San Miguel: Diaranson den oranan di merdia, presencia di polis ta wordo pidi na un adres na San Miguel relaciona cu un kiebro y ladronicia na e cas aki.
Na yegada nan ta topa cu un homber, kende ta bisanan cu ela keda encarga cu e cas pa motibo cu e doño ta den exterior. Segun e meneer e ta biba den e apartamento patras di e cas.
E homber a declara na polis cu ela controla e cas ultimo biaha riba 13 di november, pa 6’or y mey di atardi, tur cos tabata intacto. Diaranson pa mas o menos 6’or y 55 ela constata cu e lock di un porta na banda di e cas tabata kibra. Mesora ela sospecha cu desconocidonan a drenta den e cas.
Ela bay controla paden y a bin ripara cu enberdad cu ladronnan a bishita e cas aki, pero no a logra bay cu nada di hopi balor, nan a logra bay cu un vaas yena cu moneda di 5 florin y un perfume.
E ladronnan a drenta den tur tres kamber y a reboltea e cashinan di paña. Segun su persona e doño lo a regresa su siguiente dia for di exterior y lo controla mihor.
Un keho di ladronicia a keda entrega y recherche a wordo poni na altura.