Turista masculino ta hoga despues di a bira malo na Mangel Halto

Mangel Halto – Un poco despues di 12or di merdia, un turista ta fayece na Mangel Halto. Informacion ta indica cu e esposa di e cabayero a bati alarma momento cu e no tawata mustra di ta reacciona.

Polis y ambulance a wordo manda na e sitio pa asina asisti e cabayero. Na e sitio personal di ambulance a trata na resusita e victima por medio di CPR, pero esaki a resulta en vano. Aunke maximo esfuerso a wordo duna, lamentablemente e turista a fayece na e sitio.