Bubali: Dialuna algo prome cu 1’or di marduga ta sosode un accidente fatal riba e caminda di Bubali, un poco pariba di Cheng’s Supermarket.
Mesora a manda polis y ambulance cu hopi urgencia, na yegada ya no por a haci nada mas pa e chauffeur di un Toyota Yaris shinishi, e chauffeur no tabata duna señal di bida. Mesora a pidi pa un dokter y autoridad competente.
Na e sitio polis a bin compronde cu e chauffeur pa un of otro motibo a perde e control, hala na su man robes y a dal contra un mata di kwihi.
Ta trata di un hende homber, cu pa motibonan ainda desconoci a dal cu velocidad halto contra un mata di Kwihi panort di caminda. Un impacto sumamente duro mester bisa, mirando cu e vehiculo a dal y bons bay bek patras.
Por a mira polisnan ta mustra di unda mas o menos e vehiculo lo a cuminsa baha caminda, pa finalmente dal contra un mata di kwihi cu consecuencianan fatal.
Un rato pasa polis a bay na un cas na Papilon pa duna e famia e noticia tristo cu un miembro di nan famia a fayece den e accidente tragico aki. Slachtofferhulp a wordo pidi pa duna e famia asistencia. Un ruman di e victima mester a bay na e sitio pa reconoce e victima. Un momento sumamente doloroso pa e famia aki.
Arubanative.com ta manda su palabranan di mas profundo condolencia na famia di e fayecido.
Keda pendiente pa e identidad y informacion oficial di autoridad.