108
Bubali: Dialuna algo prome cu 1’or di marduga ta sosode un accidente fatal riba e caminda di Bubali, un poco pariba di Cheng’s Supermarket.
Mesora a manda polis y ambulance cu hopi urgencia, na yegada ya no por a haci nada mas pa e chauffeur di un Toyota Yaris shinishi, e chauffeur no tabata duna señal di bida. Mesora a pidi pa un dokter y autoridad competente.
Na e sitio polis a bin compronde cu e chauffeur pa un of otro motibo a perde e control, hala na su man robes y a dal contra un mata di kwihi.
E caminda di Boegoeroei pa Bubali ta cera.
Keda pendiente pa mas informacion di e accidente fatal aki cu Aruba ta habri un siman nobo cune.