Oranjestad – Aruba
Manera ta conoci Cuerpo Policial hunto algun departamento mas manera Guarda Nos Cost (GNC), ta tene nan weekend di Preventief Fouilleren actie.
E weekend tras di lomba mirando cu lo tawata bay bira un weekend bastante druk ariba caya door di Halloween, tawata un bon iniciativa di parti autoridad pa a haci esaki.
Di e manera eynan hendenan ariba caya ta mira presencia di polis, y ta sintinan mas sigur. Y esnan cu kier haci malo, ta keda leu of ta core e risico di warda rista.
Di parti Cuerpo Policial nos a ricibi e siguiente comunicado:
” Ayera diasabra districto di playa tabata tin su control preventivo te den oranan di awe diadomingo mainta.
Ta asina cu a controla 166 vehiculo . A reparti un total di 44 multa. Loke ta detencion ta tin 1 pa loke ta posicion di droga y 2 pa core auto sin rijbewijs.
Tambe por bisa cu 7 persona indocumenta a wordo pasa pa e departamento di Guarda nos Costa .
Tambe a controla e permiso di diferente establecimento.
Cuerpo Policial Aruba ta keda cu e controlnan aki den e dianan cu ta bin”.