San Nicolas:
Diamars anochi den careda di 10’or polis a haya informacion di un criatura yorando ariba caya su so.
Den un caya patras di Caya Hose Geerman, mesora un patruya a sali bay na e sitio.
Diamars anochi bisiña of habitantenan lo a tuma nota di un criatura di 5 aña sin sapato ariba caya para y tawata yorando.
E mucha tawata yora sin stop, den su man su tablet cu e ta a, hunga cune.
Na yegada di polis
Agentenan a pensa cu na nan yegada lo por tin un bon bisiña, cu por ta un bon mama of tata cu elo a wanta e mucha su man, pero lamentablemente esaki no tawata e caso.
E agentenan a wordo mustra cu seña unda e criatura inocente ta para ta yora.
Un agente femenino mesora a bay na e mucha y a pone den auto di polis, mirando cu ningun hende tawata sali pa bisa algo. Esaki a sosode 10’or di anochi, ningun hende a sali yuda e mucha aki.
Na warda por a mira e agente femenino baha e mucha for di auto y a tene su man hibe paden, wardando kiko ta bay pasa.
Mama di e criatura
Mas laat autoridad a logra haya mas informacion ken ta mama di e criatura, mesora a tuma contacto cune.
Segun e mama, elo a laga e mucha cerca un famia, paso elo mester a bay atende skol y e mucha lo a sali sin permiso di e famia cu tabata cuid’e. Enbes e bisiña saca un man y tene e mucha te ora e mama yega cas, ela yama polis.
Autoridad a papia seriamente cu e mama, pa tipo di cosnan asina no mag di sosode hamas.