Oranjestad – Aruba
Diahuebs atardi nos a ricibi e siguiente informacion for di Vocero policial Sr. Laclé.
Ta trata di e problema diario di brommernan den Tarabana, pa ta mas specifico Mandolinstraat.
“Awe diahuebs durante dia motorunit a logra kita dos brommer.
Durante control a ripara cu nan no ta tin nan papelnan na ordo y e brommernan a wordo transporta cu takelwagen.
Mirando e problematica den Tarabana y vecindario ta purba di kita tur brommernan cu no tin nan papelnan na ordo pa asina sistematicamente purba alivia e situacion pa e habitantenan di Dakota y vecindario.
E controlnan aki lo sigui door di e motor unit di polis”.
Tur anochi por scucha zonidonan di motor biniendo for di e area Pindastraat cu Mandolinstraat. Otro biaha e mesun hobennan aki ta bay ariba parkeerplaats di Kooyman, cu ta pariba di Tarabana. Lamentablemente pa ora cu polis kier yega ya no tin ningun hende mas.