ORANJESTAD, Aruba – 8 di October 2018: Aruba Bank semper ta sostene deporte y a demostra esaki na diferente ocasion. A sostene e aña aki 297 Soccer Academy cu nan campamento di 3 dia. 297 Soccer Academy ta un scol priva di futbol estableci pa brinda muchanan di Aruba oportunidad di desaroya nan habilidad pa bira miho hungadonan di futbol.
Pa esaki nan a organisa e campamento di 3 dia “El Clasico Soccer Camp – October Edition” pa muchanan di entre 5 y 15 aña cu a tuma luga entre dia 1 y 3 di October 2018.
Un total di 150 mucha a participa den e campamento aki y a ricibi guia for di 12 diferente coach di futbol certifica. E coachnan a duna varios training y actividad pa mehora e habilidad di muchanan individual como den grupo. Tur mucha a disfruta di e camp.
Aruba Bank ta orguyoso di sigui sostene e crecemento di muchanan den deporte y a demostra esaki un biaha cu e “October Edition” El Clasico Soccer Camp di 297 Soccer Academy.