69
L.G. Smith Boulevard -Pos Chikito: Diahuebs atardi den careda di 6’or, polis a wordo informa di un auto cu lo a dal un of mas auto den e parkeerplaats di ex Douane Kantoor.
Na salida di e parkeerplaats e Toyota Landcruiser shinishi a dal un auto y sali bay direccion pariba.
Mirando cu e ta bou influencia y tawata core basta malo, otro automobilistanan riba caminda mester a maniobra, pa e no dal nan auto.
E chauffeur burachi aki, tawata bayendo direccion di su cas, cu ta keda na Rooi Kochi.
Despues cu polisnan a perde un rato for di bista, nan ta bin haya sa, cu elo ta ariba Green Corridor bayendo direccion pariba.
Na e rotonde di Pos Chikito, polis tawata warda e chauffeur burachi yega, eynan tambe prome cu polis a par’e, ela bolbe dal un otro auto. Mesora polis a bahe for di su Toyota Prado y pone den boei.
Aparentemente, e papelnan di e Toyota Prado tampoco tawata na ordo.
Polis a pidi pa un takelwagen pa hiba e auto warda di polis, pa asina autoridad por haci mas investigacion. Polis no sa cuanto auto e lo por a dal na caminda y den e parkeerplaats prome cu ela sali.
Transportwagen a transporte pa warda di Polis, caminda elo mester bay duna cuenta di su actonan hopi irresponsabel.