Moko – Diamars atardi algo prome cu 3:30 informacion a drenta di un accidente di trafico cu hende herida na Moko.
Na yegada por a tuma nota di dos auto Toyota, ambos Yaris. Un model nobo y e otro model bieu.
Segun chauffeur di e Yaris color blanco, nan tawata bayendo nort ora cu e Yaris shinishi a bay pasa.
Durante cu e tawata pasando, pa un of otro motibo a pasa dal e parti robes di e Yaris blanco.
Esaki a causa cu e airbag di e Yaris blanco a bula, y dal e dede di e chauffeur.
Mientrastanto e Yaris shinishi a bay para mas pazuid.
Ambulance a yega prome y a cuminaa controla esnan envolvi.
A resulta cu tur tres persona, dos den e Yaris blanco y un den e Yaris shinishi tawata levemente herida.
Despues di e a controla tur na e sitio mes, personal di ambulance a continua nan caminda.
