Savaneta – Diadomingo 12:25 a.m , polis a wordo manda cu urgencia altura di Domino’s Pizza na Savaneta.
Informacion cu lo a drenta e momento eynan, tawata bisa cu tin un auto y algun homber na pia a bisando cu “nan” lo kier tire of tiranan.
Despues di algun minuut, e auto y of e personanan tawata altura di un negoshi cu ta bende tapijt poco mas pariba di Savaneta Kamp.
Aparentemente e momento eynan lo a scucha un tiro.
Esaki lo a pone cu polisnan mester a yega mas lihe posibel, na e sitio.
Segun nos a compronde, un of ambos persona na pia lo a wordo gedal cu auto. Polisnan lo a cuminsa tira bista pa un auto color blanco cu tawata biniendo abou. Esaki segun un of mas testigo.
Den un caya di Savaneta banda panort, polisnan ta topa cu e auto Honda color blanco probablemente bayendo su cas.
Polisnan a acerca e auto cu cautela, debi cu a wordo papia cu tiro lo a cay indicando cu lo por tin arma di candela den auto.
Den e auto agentenan a topa cu un pareha y un baby. E dama lo tawata herida y agentenan a pidi pa un ambulance. E herida tawata di un piedra cu a wordo manda ariba e auto.
Segun declaracion di e homber den e Honda, nan lo tawata bayendo direccion pabou ora cu un of mas homber a manda baranca ariba e auto.
Pero, na yegada di e patruya unda e incidente a tuma luga un habitante a bisa polis un otro version.
Un otro patruya a papia cu un of mas testigo, y segun ela contanan tawata trata di tres homber na pia.
Despues di e problema cada uno a move den diferente direccion.
Dos di nan lo tawata lomba afo.
Por a mira patruya buscando unda a wordo bisa cu e personanan aki a move pero no ta haya nada. Polis kier a tende nan banda di storia.
Ambulance mientrastanto a yega na unda polis a stop e Honda, pa paramedico chek e lesion cu e dama a sufri.
Relaciona cu e “tironan” cu lo a wordo scucha no ta mucho duidelijk si esaki tawata asina en realidad y si a haya huls of arma di candela. Kiko a start e problema entre e personanan aki no ta conoci.
