Playa Pabao – Hopi hende ta pone poco atencion riba e cuido di nan pia mientras nos pianan ta carga nos curpa. Duna bo pianan e atencion cu nan merece. Pone atencion riba un cara bonita pa nos ta normal pero a yega tempo pa nos pone atencion na nos pianan. Pa dia nos ta cana entre 8.000 pa 10.000 stap. Pa dia esey ta den un bida normal 185.00 kilometer. Bo sa cu 185.000 kilometer bo ta cana 4 biaha rond di mundo? Pesey ban pone atencion na nos pianan. Manicure: Pa esnan cu por permiti y ta gusta pa nan mannan semper ta bonita por hasi un tratamento tur luna. Pero bo tabata sa cu esaki bo por hasi na bo cas mes? Pa e motibonan ariba menciona directiva di Centro di Bario Playa Pabao ta organisa un curso di manicure y pedicure den nan Centro. E curso aki ta wordo presenta dor di Gilma Nails Health & Service y ta tuma luga 10, 17 24 y 31 di oktober anochi di 7’or pa 9’or den na Centro di Bario Playa Pabao. Ta cobra e suma di 125.00 awg y esnan cu ta completa tur 4 curso ta recibi un certificado. Pa mas informacion y inscripcion por pasa na Centro di Bario Playa Pabao mainta entre 8’or y 12’or e tray merdia di 2’or pa 6’or. Pa motibo cu e cuponan ta limita ta pidi cursistanan pa momento di inscribi hasi e pago pa asina sigura cu bo ta forma parti di e curso.