Home » Plan Vacacional Playa Pabao luna di oktober Cu e tema “Fantasia di Color”

Plan Vacacional Playa Pabao luna di oktober Cu e tema “Fantasia di Color”

by Admin
0 comment 56 views

 

Playa Pabao – Directiva di Centro di Bario Playa Pabao ta anuncia cu e aña aki un biaha mas ta organisa nan famoso y tan spera “Plan Vacaciona ” di luna di oktober”. E actividad ta tuma lugar cu un duracion di  un siman, cuminsando 1 di oktober  y ta termina 5 di oktober. E orario  ta di dialuna pa diabierna di 8’or am pa 1’or pm. Nos  Plan Vacacional ta specificamente pa muchanan entre 4 y 12 aña. A riba peticion di e muchanan a dicidi pa hisa e edad pa 15 aña. E aña aki e tema ta “Fantasia di Color”.  Durante e siman aki ta bay tin actividad cu lo tuma lugar na Centro mes y tambe lo bishita diferente  lugar manera nos lo bay lama, fantasia di color, obra di man y hopi actividad mas. E actividadnan ta basa riba e tema di “Fantasia di Color” y ta bay tin weganan recreativo pa tur mucha tanto paden como pafor.  Manera tur aña e ultimo dia di e Plan Vacacional lo tin un anochi di presentacion pa mayornan por gosa di show cu cada grupo ta presenta. Naturalmente por bin cambio ainda den e programa. Mayornan por pasa inscribi nan yiu (nan) na Centro di Bario Playa Pabao di dialuna pa diabierna, mainta entre 8’or am y 12’or pm y tray merdia  entre 2’or pm y 6’or pm. Ta cobra e suma di 50 florin pa mucha y cu ta inclui tur actividad cu ta tuma luga y tambe cada mucha ta haña un sandwich cu juice mainta. Pa motibo organisatorio e ultimo dia pa inscribi ta diasabra mainta dia 29 di september te cu merdia 12’or. Directiva di Centro di Bario Playa Pabao ta recorda mayornan pa inscribi nan yiu (nan) na tempo pa asina evita cu e mucha ta bay riba lista di espera. Directiva di Centro di Bario Playa Pabao ta desea nos muchanan di Playa Pabao y di Aruba en general un dushi vakantie. Pa mas informacion por pasa libremente durante orario di inscripcion of  yama Centro di Bario Playa Pabao telefon 583-7775 entre 8’or am y 12’or pm of 2’or pm pa 6’or pm.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio