ORANJESTAD – Departamento di Asunto Social kier informa e comunidad di Aruba specialmente su clientenan, cu tur yamada na e number central di oficina na Oranjestad
(528-1100) y San Nicolaas (528-1130) ta completamente gratis. Sea cu bo ta yama for di telefon pre-paid, post-paid, di cas, y/of telefon hybrid.
E meta tras esaki ta pa kibra e barera financiero cu un simpel yamada telefonico por trece cu ne na momento cu mester di cualkier servicio y/of informacion social.
Ademas di kibra e barera financiero telefonico, Departamento di Asunto Social kier ta mas cerca di pueblo y pesey ta trahando pa logra esaki door di amplia su manera di duna informacion haciendo mas uzo di un di e medionan di comunicacion awendia mas uza, cu ta entre otro medionan social.
Finalmente Departamento di Asunto Social kier a gradici SETAR NV pa e colaboracion aki. Comunidad di Aruba sigur lo beneficia hopi cu e cambio aki. Cambionan chikito por haci diferencianan grandi!