Diadomingo atardi Minister di Deporte Sr. Dangui Oduber tabata presente na club di S.V. Sportboys den e bario di Angochi. Minister Dangui Oduber a haci entrega di un bunita reconocimento na e directiva di S.V. Sportboys den cuadra di nan 60 aniversario cu nan a cumpli 24 di mei ultimo.
Sportboys no ta un ekipo desconosi den e deporte di futbol na Aruba. Sportboys a competi den division di honor na varios ocasion y hasta a titula campeon di copa Juliana na aña 1973. Figura manera Aruba su ex prome minister Sr. Nelson Oduber tambe a forma parti di Sportboys den decada 60 y 70. Deporte ta algo sumamente importante pa un hoben su desaroyo y ta algo cu ta biba den mi, asina e mandatario a trece dilanti. E directiva di Sportboys a keda masha contento ora nan a tende cu Minister Dangui Oduber a haci posibel pa dialuna nan ricibi 6 airco di 18 mil BTU pa e clubhuis.
Finalmente Minister Dangui Oduber a manda palabra di pabien y gradicimento na e directiva, miembro y ex-miembro nan di S.V. Sportboys.