Home Politics Durante e Council of Ministers Meeting di CFATF na Miami: MINISTER...

Durante e Council of Ministers Meeting di CFATF na Miami: MINISTER XIOMARA RUIZ MADURO A REITIRA SOSTEN NA E TRABAONAN PA TENE E SISTEMA FINANCIERO NOS PAIS INTEGRO

CFATF ta e plataforma di Paisnan Caribense pa combati labamento di placa y financiamento di terorismo 

 ORANJESTAD – Siman pasa Minister di Finansa, Asuntonan Evonomico y Cultura a atende tambe e Council of Ministers Meeting di CFATF na Miami.

CFATF ta e plataforma di Paisnan Caribense cu ta traha hunto pa combati labamento di placa y financiamento di terorismo y ta forma parti di e plataforma mundial di FATF.

Durante e reunion aki e Ministernan di e Paisnan miembro y nan representantenan a tuma decicion riba entre otro e programa di trabao cu CFATF lo ehecuta den 2018/2019.

E mandatario a presenta su mes como e Minister di Finanzas nobo pa Aruba y a reitira e sosten di Aruba na e trabaonan cu mester wordo haci pa tene e sistema financiero di nos Paisnan integro. Aruba ta den preparacion pa e proximo evaluacion di CFATF den aña 2020.