International
Missouri
E mucha homber Xavier Cunningham di 10 aña ta recuperando despues cu ela cay for di su tree house (cas traha den mata na halto), ora cu ela wordo ataca pa un grupo di maribomba y ta cay di halto cu su cara ariba e Meat Screwer.
E hero fini a pasa door di craneo y milagrosamente no ta mishi cu su wowo, celebro, ruggengraat y tampoco ningun arteria major.
Xavier a spanta ora cu e tawata den su tree house (cas traha den mata na halto), momento cu ela wordo ataca pa un grupo di maribomba.
Un team di Kansas University a remove e hero cuadra – e no tawata algo facil door cu e hero aki usa pa wanta carni tin partinan skerpi tambe, compara si tawata un un hero rondo normal.
Un operacion cu a dura varios hora.
Gabrielle Miller a conta cu e Xavier a drenta na grito cu e hero saliendo di su cabes.
“Mi ta muriendo mami, mi ta sintiendo esey”, Gabrielle Miller mama di Xavier ta corda cu e tawata bisa ora nan tawata bayendo Hospital.
Xavier a yega prome na un hospital local unda nan a hibe un otro hospital na Kansas City, aki nan a bolbe mande pa un otro hospital cu tawata University of Kansas hospital. Aki ta caminda cu ela wordo opera door di un grupo di dokternan specialisa.
Mirando cu e herida no tawata sangra, y tambe cu e no a causa daño na su celebro, wowo y adernan major a duna e dokternan eynan e chance pa yama e team di dokternan specialisa den tipo di casonan asina.
Loke e specialistanan tawata preocupa cune ta momento cu nan mester a bay saca e tubo, si lo a bay tin sangramento. Door cu e tubo tawata sali di su nek, y eynan tin adernan major.
Milagrosamente tur cos a bay bon.
Segun director di e departamento Endovascular Neurosurgery at the University of Kansas Health System, nunca ela mira un persona cu lo por a scapa di un performacion asina profundo den nan craneo.
Segun pronosticonan Xavier lo recupera completamente di e trauma ricibi.