Na aña 2015 a cuminsa cu e restauracion di e California Lighthouse y un aña despues a haci e apertura oficial na augustus 2016. For di e siguiente luna despues di e apertura e Faro na Noord a keda habri oficialmente pa publico y tabata e prome biaha cu e Faro ta habri den 100 aña pa un y tur por subi.
Faro Blanco Restaurant e tempo ey a tuma e reto pa huur e California Ligthouse y asina tabata duna tournan na e bishitantenan. Actualmente e contrato cu Faro Blanco a finalisa y Stichting Monumentenfonds Aruba (SMFA) cu ta propietario di e Lighthouse ta den combersacion cu potencial partnernan nobo pa maneha e Faro y asina duna tour y acceso na e Lighthouse pa bishitantenan.
Durante e periodo aki e California Lighthouse lo ta sera pa publico pa asina por haci trabounan di mantencion necesario y tambe finalisa acuerdonan cu e huurdonan nobo.
SMFA ta gradeci Faro Blanco pa e trabou haci durante dos aña largo y ta spera cu pronto lo por habri e portanan di e lighthouse un biaha mas pa un y tur por disfruta di e bunita bista for di e top.