Dia 22 di september 2017 ora resultado di eleccion 2017 tabata conoci, Mike Eman publicamente a haci algun anuncio interesante:
– cu AVP no lo forma coalicion
– cu Mike Eman no ta bay den Parlamento
– cu AVP mester cuminsa busca lider nobo
Durante casi un aña, Mike Eman a keda ausente, y awor manera un salbador ta resusita y kier salba e pueblo, e ser humano, e autonomia, e pais. Nos ta puntra nos mes:
Cua pais? E pais cu e mes a destrui?
Cua ser humano? E ser humano cu e mes a neglisha?
Cua pueblo? E pueblo cu e mes a masacra?
Cua autonomia? E autonomia cu e mes a entrega?
Mike Eman ta e Prome Minister cu mas daño a haci na nos pais y su hendenan. Mas cu su ruman Henny Eman mes! Mike Eman ta ademas e Prome Minister cu mas berguensa a causa na nos pais y su hendenan! Mike Eman ta e Prome Minister mas corupto cu nos pais a conoce! Ta pesey dia 22 di september el’a entrega!
Awor, un aña despues, e ta resusita y kier pa pueblo kere den dje atrobe. Esaki ta e colmo!
Ta pa es motibonan aki hendenan ta perde confiansa den politica.
Mike Eman ta pasa pa historia como e politico cu mas a ridiculisa partido AVP. Pa su propio bon y pa esun di su partido, miho e bolbe bek den su escondite.
Pero su resureccion tin un punto hopi positivo si: pa partidonan oponente e ta un beneficio pasobra e loco di Mike Eman, ningun hende ta kere den dje mas. Ta fin di partido AVP e ta busca.
