Amsterdam: Cuerpo Policial hulandes a detene tres estafador cu tabata bendiendo imitacion di cellular Samsung S9 plus.
E victimanan di e estafadornan aki a kere sigur cu nan lo a cumpra un Cellular di marca Samsung, pero esaki no tabata e caso, tabata trata di un imitacion di Samsung S9 Plus y probablemente e imitacionnan aki ta procedente di China.
Polisnan hulandes a haci algun investigacion y weekend pasa a logra pone man riba 3 homber, sospechoso di ta estafando hende cu cellularnan imita y bisando nan cu ta un Samsung S9 plus original nan ta bendiendo..
Un di e sospechosonan di 50 aña a wordo gara con la mano en la masa, na momento cu e tabata estafando un cliente tratando di bende un imitacion di Samsung S9plus.
For di investigacionnan haci a resulta cu den e ultimo lunanan minimo 4 persona a bira victima di estafa di Cellular
Tur e victimanan di cellular na Hulanda, a cumpre via un propanganda, riba un website Belgo cu ta specialisa den benta di articulonan segunda mano.
E sospechosonan ta deteni y polis ta pidi tur testigo of victima di e benta di e imitacion di cellullar pa meld esaki.
Na Aruba ainda nos no a conoce niun caso di imitacion di cellular, pero mirando cu ta drenta hopi producto for di China, no ta descarta e posibilidad cu un dia lo por tin e imitacion di cellularnan tambe den circulacion.
Alle slachtoffers reageerden op advertenties op Belgische internetsites voor tweedehands goederen. Ze dachten een Samsung S9 plus te kopen maar later bleek dat het om imitatie/neptelefoons gaat en niet om originele originele Samsung toestellen. De verdachten zitten vast en de politie roept getuigen of andere slachtoffers op om zich te melden.
