Sur America – Brazil
Diamars den oranan di dia President di Brazil Mihel Temer a duna ordo, pa manda militarnan na frontera. Esaki ta pa para of controla e exodo Venezolano, cu ta birando un problema pa Brazil y tur otro pais bisiña.
Ela informa tambe di su intencion di busca apoyo international, pa enfrenta e crisis cu tin na pais Venezuela, cu ta mustra di ta menasando e armonia cu tin den Sur America.
“Nos lo busca apoyo di comunidad internacional pa adapta medidanan diplomatico pa resolve e problema ey, cu ya no ta trata mas di un politica interno di un pais, pero mas bien a avanza pa fronteranan di varios pais bisiña cu Venezuela y esaki ta menasando e armonia di e continente aki”, asina Temer a afirma durante un discurso via television for di e palacio presidencial Planalto.
Manera nos por mira, e situacion na Venezuela ta empeorando dia pa dia, y ta birando un problema grandi pa tur e paisnan bisiña.
Foto : Telesur
