Minister di Finansa, Asuntonan Economico y Cultura mr. Xiomara Ruiz-Maduro: GOBIERNO A RICIBI CONSEHO RIBA LEY PA RESTAURACION ECONOMICO

ORANJESTAD – Siman pasa señor Bijlhout a entrega na gobierno e conseho di SER riba un Ley pa restauracion economico di nos Pais. E intencion di e Ley aki ta pa por reduci of elemina e red tape cu ta stroba e participacion economico na nos Pais. Den su investigacion, SER a indentifica algun di e Leynan existente cu ta stroba e proceso y desaroyp economico na nos Pais.
For di un encuesta cu SER a haci bao comercio a duna como resultado cu e ley di ‘vestigingsvergunning bedrijven’ y e ley di ‘vergunningverordening’ ta e leynan cu ta wordo considera como un problema cu ta ocasiona red tape. Social Economische Raad, SER den su conseho ta urgi Gobierno di Aruba pa atende e dos leynan aki cu prioridad. Ademas SER a duna como conseho, pa Gobierno enfoca riba un ‘cultura di excelencia’ den cual ta haci uso di funcionario apropia, ta digitalisa procesonan, ta enfoca riba durabilidad y ta responsabilisa stakeholders.
Dentro di 3 siman e rapportnan lo ta disponibel pa publico riba e website di SER na www.ser.aw