Home Police Mas caso di abuso di mucha, mucha muher di 9 aña su...

Mas caso di abuso di mucha, mucha muher di 9 aña su so laga atras den cas

Pos Abou: Diadomingo algo prome cu 1’or di merdia, mama preocupa ta bati alarma pa su yiu muher di 9 aña cu a wordo laga su so, cera na yabi den un apartamento na un adres na Pos Abou.

Polis a bay hunto cu e mama na e adres aki y enberdad nan ta topa cu e mucha su so cera, na lock den e apartamento. Polis mesora a yama e tata y a pidi’e pa bin mesora pa habri e porta di cas pa nan por saca e criatura aki.

Aparentemente esaki no ta prome biaha cu e homber ta haci algo asina, ta varios biaha e tata ta haci esaki. E agentenan policial na e sitio a tuma e caso aki hopi na serio y mesora a pidi pa presencia di Voogdijraad.

Polis mes a logra saca e mucha for di bentana y a keda warda riba e tata y voogdijraad.

E mama ta Voogd di e mucha y e tata tin un areglo di bishita cu e mucha.

Polis a hiba e mama y yiu for di e sitio.