217
Internacional
Alemania – Un pareha a wordo sentencia door cu nan tawata ofrece nan yiu homber chikito na Pedofielnan.
E hobencito tawata wordo ofreci na Pedo’s (Pedofiel) ariba e Dark Web, caminda cu ela wordo abusa casi 60 biaha.
Segun prensa Aleman, e mucha homber cu tin actualmente 10 aña tawata wordo ofreci na hombernan ariba Dark Web pa dos aña largo.
Total ela wordo abusa entre 50 pa 60 biaha.
Imagennan di e actonan aki por a wordo haya ariba internet, pero tambe nan tawata wordo bendi.
Esey no ta tur, e mucha homber tawata wordo abusa door di su mes un mama y partner di e mama.
Durante investigacion, e pareha a admiti esey.
Fuera cu a detene e mama y su pareha, autoridad a detene 6 homber mas.
E pareha tin di bay sinta 12,5 aña den prison, cu sigur ta net nada pa tipo di actonan horibel asina.
Pa loke ta trata e hombernan, nan tambe a haya castigo.
Un di nan un homber procedente di Spaña di 33 aña, cu a bula pa Alemania 4 biaha pa tin relacion cu e mucha homber.
Ela wordo sentencia na 10 aña di prison.
Ela paga 10 mil Euro, pa tawata tin mag di abusa di e mucha homber.
E pareha esta e mama y su partner, fuera di castigo di prison nan mester paga un schadevergoeding total di 42.500 Euro na e mucha homber y un segundo victima.
Esaki ta un mucha muhe di 3 aña, cu tambe tawata wordo abusa sexualmente door di e mama y su pareha.