141
Caya G.F.Betico Croes – Diamars mainta 11’or, polis di trafico a bay dilanti Cayena Mall pa un boksmento.
E boksmento tawata entre un Hyundai Sonata y un pick up di Mariniers Kazerne, lastrando un trailer cu boto di Kustwacht.
Segun nos a compronde na e sitio, e pick up cu trailer tawata bayendo direcion pabou momento cu e Hyundai Sonata a subi e crusada dal contra e trailer.
E dama na stuur di e Hyundai, despues di e incidente a cuminsa sinti su mes malo.
E Hyundai Sonata a sufri basta daño dilanti, mientras por a mira unda ela dal e trailer tawata un kibra chikito.
Mirando cu e pick up y trailer ta pertenece segun nos a compronde na Marina Real, un representante di Marechaussee a ser notifica y a presenta na e sitio.
Ambulance a presenta na e sitio, y por a mira personal di ambulance a cana cu dama chauffeur direccion ambulance. Deapues di un rato a hiba e dama Hospitaal.
