ORANJESTAD, Aruba – 6 di Juli 2018: Dia 4 di Juli tabata dia di independencia di Merca y Riu Palace Aruba a celebra esaki cu diferente actividad pa su bishitantenan. E mainta a cuminsa cu yen di alegria pa tur turista Mericano, kendenan a celebra e dia special aki pa nan.
Riu Palace Aruba a cuminsa cu un evento mainta trempan p’e yiunan di e turistanan, unda a conta cu e participacion di 40 mucha di diferente edad. E team di RiuLand hunto cu e muchanan a traha hunto decorando e cupcakes cu e colornan di bandera di Merca. E muchanan tabata encanta di por a decora nan cupcake na nan gusto y haciendo uzo di e colornan blauw, cora, blanco y marshmallows. Nan a pone e bandera di Merca den un di e cupcake pa asina por decora. E muchanan a disfruta e dia cu e mascota di Riu Palace Aruba, Calú y e muchanan tabata saca potret cun’e.
E celebracion di dia di independencia a sigui e merdia aki, unda cu e team di recreacion di Riu Palace Aruba a entretene e bishitantenan den area di pool cu bailenan. Un grupo grandi di turista tabata disfruta di e 3 baile diferente. E bishitantenan tambe a join e team di recreacion y a baila hunto cu nan celebrando e dia di independencia.
E celebracion di 4 di Juli a sigui den restaurant Don Nicolas, unda den oranan laat di atardi e bishitantenan a cuminsa aglomera. Riu Palace Aruba a prepara un buffet special pa tur bishitante. E
ambiente tabata fenomenal y e entusiasmo tabata sumamente halto. E atardi aki tabata placentero unda cu mayoria bishitante a celebra e dia den seno familiar.
Riu Palace Aruba a prepara un regala p’e muchanan cu tabata blaas cu e diferente color di e bandera Mericano. No por laga afo e famoso bebida di bon bini di 4 di Juli, cual tabata e famoso “Blue Lagoon”.
RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.