Tin leak ? Kust Surveillance a faya un biaha mas

Esaki mas cu claro, indicando cu ilegalnan a bolbe drenta Aruba.

Un biaha mas e team aki ta bolbe faya !

Mes ora patruyanan di San Nicolas a cuminsa cu buskeda, y for di tera nan por a scucha gritonan for di lama.

Entre e gritonan por a scucha un stem di muhe, cu despues di algun rato no a grita mas.

Segun informacion na e sitio y di algun di e personanan cu lo a wordo gara, mas cu 30 persona a trata of a drenta nos isla. Pues diferente version tawata circula e ora ey. Na final segun polis, ta 18 hende a drenta, di cual 2 a wordo gara.

Si nos no ta ekiboca, nan ta suppose di ta trahando 7’or di anochi pa 7’or di mainta.

E grupo di ileganan aki un biaha mas ta drenta den oranan trempan, y niun pero niun hende no a mira nada.

Momento cu informacion a drenta cu ilegalnan a drenta y lo tin movecion den Colony e ora ey por a mira e Jeep Wranglernan di Kust Surveillance ariba caminda grandi bayendo Colony, cu ya tawata hopi laat.

Esaki tawata algo prome cu 10’or di anochi, momento cu nan ta suppose di ta na Costanan y/of Santana di Cacho.

Pues ta duidelijk, cu tin un LEAK un caminda,  paso otro manera no por ta.

Ta imposibel cu na costa di Venezuela nan sa cu e team nobo pa controla costa no ta ariba nan post.

Paso di e manera aki cada biaha ilegalnan ta keda drenta nos isla, algun di nan cu arma di candela, droga y animalnan exotico cu por ta carga enfermedadnan contagioso.

Panter a logra piki 1 persona, y lo a trece tera pa Guarda Nos Costa.

Den Colony patruyanan a logra pone man ariba 1 persona.

E resto tur a logra huy, y ta actualmente somewhere ariba Aruba.