65
Awe Minister di Turismo, Salud Publico y Deporte a reuni pa di dos biaha cu e stakeholders importante riba e tereno di salud mental y adiccion. Durante e encuentro aki cada stakeholder a duna un splicacion di nan trabaonan y servicio den ramo di psikiatria y adiccion. Manera ta conoci e vision di Minister Oduber ta pa bin cu un maneho integral di psikiatria y cuido di adiccion, caminda tratamento di e malesa sea adiccion y/of psikiatria ta central. Loke a sali afor ta cu tin hopi falta di atencion pa cu e cuido mental di nos hobennan y hende muher. Siguramente esaki ta un di e puntonan di atencion di Minister Oduber. Asina aki Minister Dangui Oduber ta demostra cu den su maneho riba tereno di salud e persona ta central.