Home Uncategorized Fraccion di POR: “Esfuersonan grandi ta ser haci door di esnan di...

Fraccion di POR: “Esfuersonan grandi ta ser haci door di esnan di Marinierskazerne pa sigura nos costanan”

Diaranson mainta miembronan di fraccion di POR, Alan Howell den su calidad di Presidente di Parlamento interino y Marisol Lopez-Tromp como miembro di e Comision di Asuntonan di Reino y Asuntonan Exterior a bishita Marinierskazerne na Savaneta.

Durante e mainta aki, unda otro miembronan di Parlamento tambe tabata presente, a haya diferente presentacion y splicacion di e trabounan andando, mientras cu a haya un bista mas di cerca di e trabounan andando na Marinierskazerne.

Mester menciona cu a haya hopi informacion y a intercambia di opinion riba e varios tema teniendo semper na mente un mihor Aruba. Miembronan di Fraccion di POR a indica cu un di e temanan mas importante cu a trata ta e vigilancia di nos costanan y por a tuma nota cu esfuersonan grandi ta ser haci pa sigura nos costanan y pa evita cu ilegalnan drenta nos isla. Tanto Howell como Lopez-Tromp a keda hopi impresiona cu e trabounan cu ta wordo haci den e diferente area, nan ta gradici tur esnan involucra den e realisacion di e trabounan aki cu ta 24 ora pa dia y 7 dia pa siman.