Home » Un biaha mas Arthur Dowers ta mustra su menosprecio total pa nos cultura Arubano

Un biaha mas Arthur Dowers ta mustra su menosprecio total pa nos cultura Arubano

by Admin
0 comment 80 views

Den un forma sumamente baho y vil e parlamentario Arthur Dowers debi na su frustracion cu e no ta minister mas a dicidi di ataca nos Minister di Finansa, Economia y Cultura Xiomara Ruiz-Maduro y ya cu Dowers no tin ningun topico drechi mas pa papia riba dje, el a cuminsa teima atrobe riba bailamento di sra. Ruiz-Maduro kende porcierto den un forma sumamente elegante a baila na algun actividad cultural tipico na Aruba y tambe den exterior, demostrando asina su respet pa nos cultura y folklore Arubano. Nos tur como Arubiano a aprecia e forma con nos minister a duna honor y respet pa nos cultura.

 

Rabia riba hende muhe of riba cultura?

E pregunta di MEP ta, dicon Dowers semper tin cu papia riba e bailamentonan aki di nos minister? Ta rabia e tin riba hende muher of su rabia ta riba nos cultura Arubano? Aparentemente sr. Dowers no tin cultura Arubano den su curason y ta mustra di  tin un actitud anti-Arubano, mescos cu el a haci contra nos pais ora cu como Minister di Husticia el a laga elimina e helicopter, Guarda Nos Costa, Visibility Teams y tambe destrui tur e radarnan cu tabata cuida nos fronteranan lagando droga, arma y ilegalnan drenta Aruba y cu esaki el a demostra cu e no tin ningun stimacion pa e pais aki.

 

Un partido anti Cultura

Echo ta cu no ta pornada cu sra. Ruiz-Maduro a ser asigna tambe como minister di cultura, ya cu den su curason ta vibra e sentimento patriotico cu Dowers no tin! No ta manera cu su partido AVP a haci ora cu den nan gobernacion nan a pone un Hulandes Europeo como Director di Departamento di Cultura di Aruba y tambe un Minister di origen Canades como Minister di Cultura di Aruba. Ki bochorno! Pues ta muestra cu henter e gobernacion di AVP no tin cultura di Aruba na pecho y ta p’esey cada biaha Dowers ta referi na e bailamento di nos minister na actividadnan cultural y tipico di Aruba y ta haci mofa di esaki.

 

Dowers, un analfabeto financiero

Tambe Dowers papiando estupidez di cu nos Minister di Finansa no sa reken (conta) – despues di 8 aña di malgobernacion di AVP – te ainda no ta realisa den ki desaster su gobierno di AVP a laga nos pais aden y alavez cu e no ta ni realisa cu te hasta su propio colega di partido Mike de Meza den e ultimo temponan aki no kier papia mas riba nos finansa publico y defende su maneho desastroso. Mike de Meza mes a realiza cu desde cu el asumi e encargo di Minister di Finansa na final 2009, el a endeuda nos pais creando deficitnan astronomico y debenan insurmontabel den apenas 5 aña. Y ta p’esey mes no ta tende mucho mas di de Meza papiando riba e topico aki. Cu awe Dowers kende no tin ningun nocion di finansa publico y kende no sa reken (conta) kier papia di gastonan di personal di gobierno, di deficit, di debe nacional ta muestra cu el a converti su mes den un proyectil sin rumbo y cu lo ta miho na lugar di papia disparate e papia riba e crisis cu el a laga atras den husticia, caminda den 2017 so a registra mas di 60 atraco den un solo aña.

 

Finalmente partido MEP ta condena e falta di respet di e polizonte Dowers y ta spera cu e lo por recapacita y stop cu su menosprecio pa nos cultura y laga nos minister di finansa y cultura sigui cultiva y engrandece nos cultura Arubano. Si bo no por biba e cultura aki, anto miho bo bay core tras di lagadishi den mondi.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio