ORANJESTAD, Aruba – E aña aki un biaha mas MetaCorp a organisa prik actie pa su empleadonan. Wit Gele Kruis, Oduber & Kan, Aruba Vision Center, Rene Wild y Johanna Stroo a pasa na diferente compania di MetaCorp, di cual a cuminsa prome na ATCO Concrete, sigui pa Tropical/Balashi, New York Laundry, The Cinemas EcoTech, Atco Aruba, Maduro Travel y MetaCorp, unda a pasa controla e empleadonan. Pa hopi aña MetaCorp ta organisando e prik actie aki, unda e empleadonan tin e oportunidad di check nan salud.
Desde aña pasa a cuminsa haci esaki 2 bes pa aña. Eddie de Veer, CEO MetaCorp, a expresa cu e salud di e empleadonan ta hopi importante, unda tin e caminatanan, bowling y bike ride. Ta haci varios actividad pa asina e empleadonan keda den movecion despues di ora di trabou. E prik actie ta un punto di control y e evento aki ta pa e empleadonan sa unda nan ta para y si mester haci algo pa nan salud y kico nan mester haci.
Durante e testnan aki tin biaha e empleadonan ta haya e satisfaccion cu e ta bayendo bon, pero tin biaha e empleado ta haya sa “net op tijd” cu nan tin algo. Pa Eddie de Veer y MetaCorp e ta un satisfaccion cu esaki ta pa e empleadonan, pasobra pa nan ta mas importante pa haya sa. E aña aki no solamente a inclui chekeo di bista, pero tambe a cuminsa inclui oido pa motibo cu MetaCorp por duna e empleadonan e hermentnan pa por tuma pasonan preventivo. E biaha aki a inclui Rene Wild y Johanna Stroo tambe na unda por a duna recomendacion riba con pa cuminsa riba un healty lifestyle basa riba e resultadonan. Empleadonan por a registra nan mes pa asina tuma parti na e MetaFit Health & Cooking Session cu pronto lo cuminsa. A prepara un healthy shake pa asina e empleadonan purba cu ingredientenan healthy consistiendo di fruta y berdura cu por tin un dushi sabor tambe.
“Tin biaha e ta yuda nos tambe compronde kico mester tuma di banda di empresa pa nos proteh’e nos empleadonan tambe”, asina Eddie de Veer a expresa.
Tin algun persona cu ta tuma nan salud serio y por mira cu nan ta baha peso, asina Liesbeth Arendsz, Wijk Coordinator di Wit Gele Kruis, a expresa. El a sigui indica cu tin empleado ta bisa Wit Gele Kruis na momento cu nan ta bay riba e balans cu nan ta trahando riba nan peso y asina aki por mira cu nan ta haci nan esfuerso. Tambe tin esunnan cu no ta tuma esaki na serio y por ripara esaki, unda cu e presion ta keda halto. Pasobra nan tin cu tum’e na serio y por mira aña den aña afo e presion ta keda halto, di cual na cierto momento nan lo cuminsa sinti efecto di esaki.
Ta recomenda e empleadonan cu presion halto no tur ora ta sinti su efectonan, pero e ta un “silent killer”. Esaki ta nifica cu mas keda cu e presion halto, mas problema e persona lo tin on the “long run”. “Mas grandi bo bira, mas consecuencia e por tin pa bo salud”, asina Liesbeth Arendsz a expresa.
Loke ta bin mas dilanti ta e comemento, cual ta e sobrepeso. Aruba ta un isla cu ta basta obeso y esey ta hunga un rol hopi grandi cu e presionnan ta halto, pero tambe e colesterol. Hopi biaha presion ta hunga un rol, unda cu nan ta come hopi salo, cuminda di afo, y mester conscientisa nan pa come mas saludabel.
MetaCorp y Wit Gele Krius tin casi 10 aña ta trahando hunto, unda 2 biaha pa aña ta haci e chekeonan aki. Na momento di e prik actie tur aña tin empleado ta bin cu e carchi geel, unda nan ta follow up y ta percura cu e peso ta keda stabiel of a cuminsa baha. Esunnan cu hopi biaha no ta worry hopi, por mira cu semper nan ta perde nan carchi of lubida esaki y asina aki no por tin un comparacion, di cual pa esaki nan ta consciente.
Importante di esaki ta cu e empleadonan ta participa den e evento aki, unda nan a haya un folder cu indicacionnan con pa come mas saludabel y e consecuencia di colesterol halto p’e curason. Tambe e empleadonan a ricibi informacion riba diabetes. Tur e añanan cu Wit Gele Kruis ta yega MetaCorp, Liesbeth Arendsz a ripara cu esunnan cu a haya sucu halto a bay dokter y ta considera di ta diabetico, ta trahando riba esey. Empleadonan ta participa na e prik actie y ta laga Wit Gele Kruis check nan, di cual ora di haya algo nan ta referi e empleadonan pa control cerca nan dokter di biaha.