Meiveld: Diaranson pa mas o menos 9’or y 15 di anochi, polis y ambulance ta wordo manda cu urgencia na e adres Meiveld 21, pa un caso serio di hinkamento.
Na yegada nan ta bin topa e victima tur na sanger sinta memey caminda, prome cu ela perde conocimento ela duna polis nomber di e sospechosonan y con nan tabata bisti.
Ela bisa polis cu nan a hinke den e cuarto di zim unda e ta biba, den e cura di cas di su defunto mayornan. Polis a cera e area di e cuarto, unda e hinkamento a tuma lugar, pa asina nan por cuminsa haci mas investigacion. Caminda e incidente a tuma luga ta completamente scur.
Despues di un rato ambulance a yega na e sitio, mesora personal di ambulance a prepara e victima y mirando cu e ta den un situacion hopi critico, cu urgencia nan a transporte pa hospital.
Varios unidad di polis, officier, departamento tecnico di polis y varios recherche ta na e sitio y ta haciendo mas investigacion.