Vondellaan, Oranjestad: Diamars algo prome cu 3’or y mey di atardi, polis ta bay den area di Cas di Cultura pa motibo cu tin azeta basha riba caminda.
Na yegada enberdad nan ta topa cu e caminda di patras di Talk of the Town, parti di Vondellaan, parti di L.G. Smith Boulevard y Stadionweg cu hopi azeta basha riba e camindanan aki.
Mesora ta pidi pa presencia di DOW, polis ta bay over na cera parti di e camindanan aki unda tin azeta basha, pa asina evita cu auto lo por slip y causa desgracia.
Hopi liher DOW ta yega na e sitio y ta cuminsa tira santo riba e azeta aki. Na e sitio nan ta bin compronde, cu ta un piesa di un heavy equipment a kibra, sea un hose of e hydrolic pump. E heavy equipment aki ta wordo usa den e construccionnan actual cu tin riba e tereno di ex John F. Kennedy School.
Despues di un rato DOW tabata tin e situacion bou control.