Oranjestad: Dialuna pa mas o menos 10’or y 50 di mainta, un patruya di polis ta wordo manda na e kantoor di Deurwaarder den Windstraat, pa motibo cu nan lo tin problema cu un persona.
Na yegada e polisnan ta papia cu un dama, kende ta declara cu un homber desconoci pa nan a drenta den nan oficina, e homber sin bisa nada a bay den WC haci su necesidadnan y ora ela caba, ela sali bay sin flush e wc, lagando e WC hopi fies, tambe ela laga algun articulo sushi y fies atras den e WC. E articulonan aki a wordo mesora benta afo, entrenan tabata tin te hasta sushi di cas den un saco.
E dama a mustra polis un potret di e homber y un biaha mas polisnan a nota cu ta trata Chris Geerman, kende ta un conocido di nan, cu ta un adicto ambulante cu ta sufri di problema mental. Chris Geerman ta canando libremente rond den centro di cuidad y ta causando molester.
Chris Geerman no ta solamente causando molester pero Diadomingo entre 3’or y 20 cu 4’or di atardi, e mesun adicto ambulante aki a kibra un glas di un Hyundai Accent, paso elo tabata rabia.
Diadomingo pa mas o menos 4’or atardi, un patruya di polis di Oranjestad ta wordo manda na e veld di Aruba Juniors den Emmastraat pa un ladronicia den un auto.
Na yegada nan ta topa cu un Hyundai Accent Shinishi cual e glas di patras, banda drechi, ta destrui. Na e sitio polisnan ta bin ripara cu e glas di auto a wordo destrui cu un piedra y cu esun cu hasi’e no a ni drenta den e auto pa coba den e auto. Despues di un rato e agentenan a bin compronde cu ta trata di e adicto ambulante, kende ta sufri tambe di problema mental. E doño di e auto a staciona su auto pa mas o menos 3’or y 20 eynan y e destrucion mester a tuma lugar pa mas o menos 4’or di atardi y net na e momento ey E adicto amubulante tabata tirando piedra riba e veld paso e tabata rabia y tin fuerte sospecho cu ta e a hacie.
E casonan aki tin atencion di polis.