Home » Parlamentario Endy Croes a baha pisa riba Melvin Tromp! Na un forma ilegal contra conseho di DRH Ministerraad di Mike Eman a duna Melvin BVVD

Parlamentario Endy Croes a baha pisa riba Melvin Tromp! Na un forma ilegal contra conseho di DRH Ministerraad di Mike Eman a duna Melvin BVVD

by Admin
0 comment 90 views

 

 

Parlamentario Endy Croes a cuestiona formalmente durante conferencia di prensa di Fraccion di MEP e manera cu Mike Eman a hiba su politica a la wild wild west sin tene cuenta cu nada. Adhunto a presenta un caso di Melvin Tromp. No obstante cu e no tin ningun preparacion of educacion el a logra sinta 8 aña den parlamento cobrando un bon salario pero no a significa net net nada pa pais Aruba. Si bo puntra awe pa menciona un iniciativa di ley cu Melvin Tromp por a bin cune den 8 aña, e contesta ta ningun. Pues un persona cu a djis bin keiro den  Parlamento, esta un vakantieganger. No obstante esaki el a logra haya riba su nomber no 1 pero 2 tereno na Palm Beach di cual el a bende esakinan cu rumannan di Tico Croes den un deal straño pero finalmente a logra gana basta placa. Esaki ta un otro caso di presunto hacimento di negoshi cu patrimonio di pueblo mientras miles di ciudadano ta warda un pida tereno pa por construi nan cas.

 

Keda cas y sigui cobra

Biniendo bek nos a constata algun documento unda Melvin “Donkey” Tromp dia 27 di September 2017, net despues cu AVP a perde eleccion bayendo atras cu mas di 10 mil voto, a core pidi BVVD esta bijzondere vrijstelling van dienst di 1 di November 2017 pa 31 di October 2018. Pues e meneer aki no kier compronde cu fiesta a caba y kier keda 12 luna mas na cas sin bay trabou . DRH ta contesta Melvin riba su peticion cu di acuerdo cu artikel 2 di e  Landsverordering voorzieningen gewezen Politieke ambtsdragers en hun nabestaanden (AB 2010 no. 91) cu e ley ta prescribi cu bo por bin na remarke pa BVVD pa un maximo di 30 dia y despues bo mester raporta na e trabou anterior, den caso di Melvin Tromp na Cuerpo Especial Arubano esta CEA. Locual ta repudiabel ta e hecho cu den un ministerraad di Mike Eman y su gang teni riba fecha 14 di November 2017, esta net 3 dia promer cu a instala e gobierno nobo a core aproba 12 luna di BVVD pa Melvin Tromp contra ley y contra tur conseho di DRH. (Adhunto mira e decision di Gabinete di Mike Eman).

 

Fiesta y abuso a caba

Por a compronde cu aparentemente Melvin Tromp kier e posicion di Fractiemedewerker di AVP den Parlamento pero AVP lo a duna otro hende caba. Kisas tin di haber cu e preparacion di Melvin Tromp kende no tin ni LTS. E gobierno nobo y drechi aki mester a bolbe cana e caminda di DRH y dia 20 di Februari ultimo tin decision di Ministerraad cu Melvin Tromp no por sigui abusa di pueblo y mester bay traha. Como Parlamentario Endy Croes a splica cu e ta buscando informacion di e paradero di Tromp pa mira si el a raporta na trabou y si no ta asina e mester carga e consecuencianan.

Fiesta y abuso cu placa di pueblo a caba. Kier sinta na cas cobra overbruggingstoelage y hiba bida di chulo? Wel e fli aki no lo subi, Croes a termina bisando.      

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio