145
Vondellaan, Oranjestad: Diasabra den oranan di marduga, polis ta bay cu urgencia na e crusada di Vondellaan cu George Madurostraat pa un accidente cu hende herida.
Na yegada nan ta bin topa cu un Mitsubishi Evolution den veranda di famia Bosch, na e sitio nan ta bin compronde cu e dama tras di stuur di e Mitsubishi Evolution, aparentemente tabata biniendo cu velocidad halto for di panort den Vondellaan y a perde control na e crusada, ela subi acera y drenta te den veranda di e cas.
Na prome instante a pensa cu e dama chauffeur lo tabata herida pero despues ela laga sa cu e no mester di atencion medico di ambulance y esaki a wordo cancela.