Boksmento na Meiveld, a laga un mucha herida atras

Meiveld – Diabierna mainta pa mas o menos 8’or polis a bay patras di ex Codemsa, pa un boksmento cu hende herida.

Na yegada di polis e ta haya un pick up y un Kio Rio.
Den e Kia tawata tin algun mucha, cu nan uniform di skol.

Segun nos a compronde, e pick up lo a baha velocidad of stop pa bay bira na su man robes. Pa un of otro motibo e chauffeur di e Kia no a pone atencion, y ta dal patras di e pick up.

Un mucha den e Kia Rio, probablemente a kibra su sleutelbeen.
Personal di ambulance na nan yegada a atende e mucha.