Koningstraat – Diaranson den careda di 10’or y mey di mainta, presencia di polis ta wordo pidi cu urgencia na un cas den Koningstraat, pa motibo cu un señora a topa cu un homber desconoci pe drumi morto na soño den su cas.
Na yegada polis ta bin topa cu un señora basta spanta y e homber desconoci pa e señora ainda den e cas. E señora a splica polis cu ela bay un rato patras di su cas pa haci algo y na momento cu ela bin bek paden, pa su sorpresa ela bin topa cu e homber desconoci aki drumi den su sofa cu un headphone den su orea.
Segun un bisiña, berdad un rato prome ela mira un homber drenta den e cas, cu nunca ela mira eybandanan, pero ela kere cu por ta e homber aki lo ta famia di e señora. Pero despues di un rato e señora a core bay na e bisiña y tur spanta a bise cu tin un homber straño drumi den su sofa. Segun e bisiña nan conoce tur hende cu ta biba of frequenta eybanda y ta pa prome biaha nan a mira e homber aki den nan bario.
E agentenan na e sitio mesora a detene y a pidi pa transportwagen di polis, cu un rato despues a yega y a transporta e homber desconoci aki pa warda di polis na Oranjestad.
E homber aparentemente lo tabata bou influencia di algo y na momento cu polis a detene, e tabata pidi e señora, “hopi sorry”.