Home » Parlamentario Endy Croes ta reacciona riba Melvin “Donkey” Tromp: “Durante 8 aña bo a grita manera un “Burico Yewa” y bo a costa pueblo mas di 1 Miyon florin”

Parlamentario Endy Croes ta reacciona riba Melvin “Donkey” Tromp: “Durante 8 aña bo a grita manera un “Burico Yewa” y bo a costa pueblo mas di 1 Miyon florin”

by Admin
0 comment 73 views

Parlamentario Endy Croes a splica cu e no sa duna mucho atencion na ex-Parlamentarionan fracasa y di peso liviano di AVP manera entre otro Melvin cariñosamente yama den boca di pueblo “Donkey” Tromp, pero rato rato lo manda señal cla pa nan cu nos no ta laga fastball pasa. Donkey Melvin den un conferencia di prensa di AVP recien kier desvia di tur locual ta actualidad y kier keda riba e “burico bieu” tirando lodo den tur direccion. Nos ta lamenta cu Donkey Melvin a perde tur su tempo den 8 aña cu el a sinta den Parlamento y no a haci net net nada. E tabata tin tur e toolsnan necesario y sa e caminda pa cana toch si e tabata tin prueba? Nos mester compronde pe cu e pober no a caba ni LTS y su IQ ta bastante abou y pues ta tristo pa un persona asina a strica den parlamento di Aruba mas cu 1 MIYON florin sin a voer uit net net nada.

Donkey a bende tereno di pueblo
Ta un secreto publico cu Donkey Tromp tambe a haya tereno na Palm Beach y despues a pidi un di dos tereno pa bira bende esaki pa hopi placa cu ruman di Tico Croes. ‘De appel valt niet ver van de boom’. Sigur lo pidi Minister actual mediante e canalnan legal un investigacion y aclaracion pa esaki. Den un otro edicion nos lo publica dicho documentonan. Nos por corda e potret di Donkey Melvin como un verfdo di barco. Sin insulta ningun hende pasobra verfmento ta un ofishi pero pa ilustra e stempel parlament anterior cu Aruba a conoce. Donkey Melvin no ta papia nada di e desaster financiero cu su gobierno a laga atras. Donkey Melvin no ta splica pueblo cu el a grita “VOOR” pa tur e leynan cu a desgracia e Pais aki. Donkey a grita VOOR pa aumento di BAZV na 2 ocasion. Donkey a aproba corupcion di Paul Croes y por corda con e mes na radio ta grita pa Paul sali bay campaña. Pues claramente Donkey ta pro corupcion di ontheffing cual e siman entrante dia 23, 24 y 25 di Mei lo ta den Corte.

Donkey a aproba ley di LAFT
Donkey a aproba e deroche di placa cual a alcansa un record unda 93 cen di cada florin cu drenta caha di gobierno ta comprometi na debe. Na 2008 esaki tabata 41.7 cen di cada florin. Donkey a aproba prestamento pa loco unda Aruba awe ta paga 216 MIYON pa aña solamente na interes cual ta igual cu 600 mil pa cada dia. Tristo no? Esaki tabata 100 MIYON pa aña, 8 aña pasa. Donkey ta parce “happy” cu e y su lider Mike Eman a redobla debe di e pais aki? Donkey a grita “VOOR” 27 di Augustus 2015 pa introduci ley di LAFT y asina a duna CAFT bida. Donkey a vota VOOR pa Paul keda cobra un salario di minister siendo den KIA. Donkey a grita VOOR pa aumento di tarifa di Inkomsten belasting y loonbleasting desde 2012. Donkey a grita VOOR y aproba aumento di grondbelasting cu 15% di balor di propiedad desde 2012. Donkey a grita VOOR y a aproba pa claba pueblo e aumento di edad di pensioen di 60 pa 65 aña. Donkey a grita VOOR y a aproba aumento di prima di pensioen obligatorio desde Januari 2013.

Donkey PRO ladronicia di tereno
Donkey a grita VOOR y a aproba aumento di prima di AOV cu 2%. Donkey a aproba pa gobierno malgasta 89 MIYON den voorlichting en promotie unda su amigonan di Tera Group y PAXI di Patrick Paskel a strica miyones. Donkey a aproba pa su gobierno a malgasta 112 MIYON na deskundig advies pa abogadonan amigo di partido. Donkey ta pro e presunto escandalo di siglo cu pronto lo ta den publiciad alrespecto ladronicia y corupcion di marca mayor di tereno entre su amigonan (Leoncita y Benny) pa nombra algun. Asina nos tin hopi mas cu por ilustra ki sorto di parlamentario Aruba tabata tin ultimo 8 añanan kendenan tabata baila riba e musica cu Mike Eman tabata toca den Cocolishi. Pronto lo nos bin cu un carta unda Donkey manera un “chupado fini” ta pidi e gobierno actual pa no mande traha pero lag’e sigui cobra overbruggingstoelage. Esta dushi bida e meneer aki kier tin? Sinonimo di Melvin Donkey Tromp ta un parlamentario “analfabetico”.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio