113
Paardenbaaistraat – Diadimingo atardi den careda di 5:30, varios patruya a bay Consulado di Venezuela.
Eynan lo a surgi un problema. Parse cu durante henter dia, varios auto lo tawata pasa y grita palabranan malo den direccion di esnan sinta pafo di e edificio.
Na yegada polisnan a wordo informa di e grupo na e sitio, cu un rato prome nan lo a haya discussion cu un homber den un pick up color cora.
E homber aki cu a papia spaño, dado momento a baha for di e auto y bay den direccion di e grupo.
E grupo lo a lanta contra dje, y e momento ey e homber lo a hinca man bou su paña.
Indicando cu probablemente, e lo por tawata tin un arma di candela cune.
Aki tawata caminda cu e homber lo a menasanan cu morto.
Polisnan a tira bista den vecindario, pero no a topa cu dicho vehiculo.