89
Savaneta – Diadomingo marduga pa mas o menos 2’or polis a wordo informa, cu un auto a dal un palo di luz altura di Wintergarden. E chauffeur tawata drumi den auto of supuestamente a bira malo.
Habitantenan a scucha un zonido duro, y coriente a bay den un area. E chauffeur pa un of otro motibo a baha caminda na su man drechi dal e palo di luz kibra.
Na yegada polis a pidi pa un otro patruya, pa cera caminda pa motibo cu tawata tin waya benta ariba caminda.
Chauffeur di e BYD no tawata herida, pero si a wordo hiba warda di Santa Cruz pa pasa test.