Oranjestad, ARUBA. Awe diabierna marduga pa mas o menos 00:50 durante control di nos costanan door di Kustsurveillance ( polis y douane) a bin topa cu un auto staciona pariba di farro. Ta asina cu personal di kustsurveillance a bai over na controle. Pafo di e auto para ta e homber inicial H y su señora. Ta trata di un auto Kia Cerato color blanco.
Durante e control den e auto, colega di douane ta bin encontra den e bahul di e auto un pistol S&S di 32 mm geladen ( cla pa tira). Inmediatamente ta bai over na detene e dos personanan aki y hibanan warda di polis na unda e investigacion lo continua door di e departamento di recherche. E arma di candela y e auto Kia cerato blanco a wordo tuma den beslag pa mas investigacion.
Un tremendo trabao di parti di nos coleganan polis y douane durante controlanan na nos costanan.
Mas visibilidad di polis riba caya pa seguridad di nos comunidad.