Noord: Dialuna anochi a tuma lugar un atraco arma riba un comerciante Cubano di 42 aña kende ta biba na Noord.
Na e sitio por a mira ainda tres saco di cuminda poni pafo, aparentemente e victima lo a caba bin cu cuminda cas, na momento cu ela wordo atraca, pa dos persona, cara tapa cu muts preto y ambos tabata bisti full na preto, nan tabata mustra jong y un di nan tabata tin barba.
Niun momento e comerciante a resisti y a haci loke nan tabata bise, mirando cu tabata tin mucha hungando pafor, asina mes e atracadornan a dale varios biaha riba su cabes, cu consecuencia cu ela ricibi un kap hundo riba su cabes.
E dos atracadornan tabata tin un arma di candela den nan poder y nan tabata papia bon spaño.
E atracadornan a logra bay cu un holoshi caro, cartera, yabinan importante y un cantidad no conoci di placa. Despues e atracadornan a bandona e sitio, lagando e comerciante herida, nan a bay direccion di e mondi panort di Centro di Bario Noord.
Personal di ambulance a trata e victima na e sitio y despues a transporta e victima pa hospital pa un checkeo medico mas avansa.
Presencia di slachtofferhulp, atraco team y tambe recherche tecnico a wordo pidi na e sitio.
Parlamentario Dowers a presenta na e sitio, aparentemente e lo ta un bon amistad di e comerciante cubano aki.