ORANJESTAD, Aruba –Diasabra 12 di mei, 2018, Aruba Bank a organisa su di 4 Golf Invitational cu ta un evento anual caricativo unda cu nan a logra recauda binti mil florin pa un bon causa.
Manera tur aña e evento aki ta uno “Sold-out” cu un total di128 participante cu a hunga e wega di ‘4-Man Scramble’ na Tierra del Sol.
Despues di wega tur participante a pasa pa e recepcion rond di piscina di Tierra del Sol.
Director di Golf Operations di Tierra Del Sol, Sr. James Kiley a presenta e resultadonan y a comparti esakinan cu esnan presente.
Na prome luga a keda e ekipo di Axross (Axl Ismail, Alexandra Brown Verushka Alvarez y Caspar van Keulen).
Na di dos luga a keda e ekipo di Holiday Inn Resort (Kevin Anderson, Eddy Rivera, Ludaymer Lugo y Carlos Llobet).
Closest to Pin front half a keda den persona di Randolph Arends y back half a keda den persona di Marc Henriquez. Female longest drive Winner tawata Joanne Eckmeyer.
E “Hole-in-One” a wordo presenta pa Mastercard Business Black Credit Card cu un oportunidad pa gana US$100,000.00. Y e “Second-Hole-in-One” a wordo introduci cu e oportunidad pa gana un Jeep Cherokee Special Edition.
Managing Director Sr. Michiel Helfrich y Executive Director Sra. Gina Habibe a haci entrega di e cheque cu e suma di binti mil florin na Sra. Lily Prince na nomber di Koningin Wilhelmina Kanker Fonds.
Tambe a felicita e ganadonan na nomber di Aruba Bank y a haci entrega di e trofeonan corespondiente.
Un danki enorme ta bay na tur participante cu un biaha mas a apoya Aruba Bank pa logra e meta di sigui sostene esfuersonan caritativo den nos comunidad!
