Home » Materiaalwagen di brandweer mester a corta porta di auto, pa saca chauffeur cu tawata pega den Hyundai Getz cu a bolter

Materiaalwagen di brandweer mester a corta porta di auto, pa saca chauffeur cu tawata pega den Hyundai Getz cu a bolter

by Admin
0 comment 73 views

Bushiri – Diadomingo anochi pa mas o menos 8:40 informacion ta drenta cu un auto a bolter, altura di Bushiri Karting.

Unidadnan di rescate di Brandweer tambe tawata na caminda, pa motibo cu a wordo informa cu e chauffeur su pianan lo ta pega.
E accidente a tuma luga parti panort di e pista di Karting.

Loke nos a compronde na e sitio ta cu, e Hyundai Getz color shinishi biniendo di pariba a bay na su man drechi.
Esaki por a mire claramente ariba e caminda di tera.

Na su man drechi e ta dal contra cura di un compania, kibrando esaki.
Despues e auto a dal contra un pilar di beton chikito, cu a pone bolter.

Personal di rescate di brandweer a corta un banda di port, y ela wordo saca.
Paramediconan a tume over e momento ey.

Segun nos a compronde e chauffeur posiblemente lo por tawata bayendo su cas.
Debi cu e ta biba no mucho leu di unda ela accidenta, esta Schotlandstraat cu ta na final di e caminda ey.

E victima a wordo transporta pa hospitaal y polis di trafico a pidi pa takelwagen, cu a hiba e Hyundai Getz warda di Balashi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio