Palm Beach – Diahuebs atardi alarma wordo bati cu na e pier di Pelican, altura di Holiday Inn nan a bin aden cu un persona cu no ta duna señal di bida.
Segun nos a compronde, nan lo a haya e homber aki ta drief boca abou altura di e boeinan, y nan a lante bin aden cune.
Mes ora a informa ambulance, caminda cu ya dos ambulance tawata biniendo.
Mientrastanto a cuminsa duna e homber di edad CPR.
Na yegada di e 2 ambulancenan, nan a cuminsa cu CPR mas avansa. Pero despues di basta intento y cu a sigui e protocol stipula a stop cu reanimacion di e homber turista.
Dokter a wordo avisa y tambe slachtofferhulp tawata na caminda.
Segun nos a compronde, e turista y su famia lo a yega Aruba awe.
*Update: Identidad di turista cu a hoga ta conoci:*
Pa 16.55 dr Texeir ta constata morto di O.D. Earnshaw nasi na Estados Unidos 22 januari 1935.