Bubali – Diaranson anochi 9’or pasa varios patruya a bay veld di Bubali, caminda lo a start un problema grandi ariba veld. Aparentemente lo tawata tin tiramento di piedra y boter.
E momento ey wega a caba entre Bubali vs Brazil Jrs, caminda Bubali a gana 1 – 0.
Dado momento a start un tiramento di palabra y asina e cos a bay for di man. Polis a wordo avisa, y adicional nan ta wordo informa cu un homber lo tin arma di candela cune.
Mes ora varios patruya a cuminsa bay direccion Bubali.
Ariba caminda di Pos Abou, nan a papia cu un di esnan cu tawata envolvi. Ela splica nan con e persona ta bisti.
Mientrastanto polisnan tawata sigui busca rond pa e homber, cu lo tawata bisti bisti na blanco.
Un rato despues patruya ta topa cu e homber bisti na blanco, pero no ta haya nada ariba dje. Polis a hibe warda di Shaba, pa mas investigacion.
Durante e incidente aki, ningun persona a resulta herida.