Home » E “Happy Smiling Nurses Week 2018” lo contene diferente actividad educativo, recreational, spiritual y social pa tur personal di S.A.B.A.

E “Happy Smiling Nurses Week 2018” lo contene diferente actividad educativo, recreational, spiritual y social pa tur personal di S.A.B.A.

by Admin
0 comment 79 views

Den e siman di dia 6 pa 12 di mei 2018 mundialmente ta celebra e siman di enfermeria. E aña aki, manera tur aña, esaki ta e caso atrobe na Stichting Algemene Bejaardenzorg Aruba (S.A.B.A.) caminda cu hunto cu tur su personal lo dedica atencion na e trabou di enfermeria na nos casnan di anciano y lo percura pa celebra e siman aki den grandi. Ta di importancia pa para keto y mira cu atencion e trabou diario cu nos personal den cuido ta eherce, dunando e cuido necesario na nos grandinan. Den e siman aki S.A.B.A. lo duna e aprecio necesario pa cu esaki.

Comicion di actividad di S.A.B.A. e aña aki a scohe e tema “Siman di Enfermeria Sonriente 2018”. E personal di enfermeria di S.A.B.A., mescos cu demas personal, ta yega trabou cu e entusiasmo pa brinda e cuido rekeri na tur nos grandinan. E sonrisa riba nan cara ta alegra tambe e dia pa cada cliente y colega na S.A.B.A.. No obstante e peso di e trabou, nos personal ta eherce esaki cu placer y na fin di nan turno di trabou por mira nan ainda cu e mesun sonrisa riba nan cara.

E “Happy Smiling Nurses Week 2018” lo contene diferente actividad educativo, recreational, spiritual y social pa tur personal di S.A.B.A.. Management Team di S.A.B.A. ta extende su gratitud na tur personal di enfermeria di S.A.B.A. y di demas institutonan di cuido. Na mes momento S.A.B.A. kier duna danki na tur instancia comercial cu a duna su aporte financiero pa S.A.B.A. por realisa e siman di celebracion aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio