CONTROL DI TRAFICO A PRODUCI 189 MULTA
Santa Cruz Aruba: Cuerpo Policial Aruba a haci un control grandi den trafico. E intencion di esaki ta pa incentua mas e visibilidad di Cuerpo Policial ariba caya. Diferente departamento a uni pa haci esaki manera: Surveillance Dienst Santa Cruz, Motor Unit, Flex Team, K-9 Unit, Departamento di Transporte Publico, CEA y Cuerpo Policial Aruba.
A reparti 189 multa durante e control di trafico. Loke a resalta mas tabata:Rijbewijs, seguro, belasting, nummerplaat, keuringskaart. A haya 1 persona cu a maneha su vehiculo di motor apesar cu su rijbewijs a wordo kita for di dje. Esakinan tabata e puntonan cu mas a resalta cu no tabata na orden.
Cantidad di vehiculo di motor y scooter a wordo kita. A detene 1 ilegal y 5 persona pa maneha auto bou influencia di alcohol. A detene un otro persona pa posicion di marihuana den su poder.
Cuerpo Policial Aruba den cooperacion cu diferente departamentonan lo sigui haci e controlnan aki. Sea conciente y responsabel pa bo tin bo documentonan na ordo. Mas visibilidad di polis riba caya pa seguridad di nos comunidad.