Home » Trahadornan di un casino den incertidumbre si nan lo cobra e quincena aki

Trahadornan di un casino den incertidumbre si nan lo cobra e quincena aki

by Admin
0 comment 69 views

Oranjestad: Recientemente nos a haya informacion cu trahadornan di un casino na Aruba ta hopi rabia, paso nan mester a cobra for di Diahuebs y te awor aki nada ainda.

Diahuebs algun trahador mester a cobra y e otronan cu tin un otro banco lo mester a cobra Diabierna, paso dia 5 ta cay riba un Diasabra. Diahuebs niun hende a cobra, Diabierna tambe niun hende a cobra, e trahadornan a haya esaki algo cu no ta normal y a bay puntra kiko ta pasando, nan a haya diferente excusa. Na prome instante nan a bisa cu ta paso e banco cu e casino ta traha cune lo a haci un upgrading, pa e motibo ey e salarionan no a pasa, pero esey no lo tabata cuadra cu e berdad. E trahadornan lo a sigui check y a bin haya sa cu aparentemente e payroll di e quincena aki no a wordo ni traha ainda.

Diasabra anochi laat e trahadornan a haya un memo cu esnan cu kier por pasa na e cashier buska un voorschot di 200 dollar, esaki a pone e trahadornan rabia mas ainda. Segun nos a compronde mayoria di trahador no a tuma e voorschot aki. Rumornan fuerte ta circulando cu Dialuna tampoco e trahadornan lo cobra y esaki tin e trahadornan hopi indigna. Segun nos a compronde cu e casino aki no tin niun problema financiero serio, cu nan no por paga e trahadornan. E trahadornan no sa kiko ta e problema y ta spera di tende pronto di e gerencia kiko ta e motibo berdadero cu nan no a cobra ainda y sigur e trahadornan ta carga nan speransa di cobra mas liher cu ta posibel.

Ban spera cu algo lo a bay robes y cu Dialuna tur cobra y por cumpli cu nan debernan sin problema.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio